ODE XLIII.

Je suis homme nay pour mourir,

Je suis bien seur que du trespas

Je ne me sçaurois secourir

Que poudre je n’aille là bas.

Je cognois bien les ans que j’ay :

Mais ceux qui me doivent venir

Bons ou mauvais, je ne les sçay,

Ny quand mon âge doit finir.

Pour-ce fuyez-vous-en esmoy,

Qui rongez mon cœur à tous coups,

Fuyez-vous-en bien loin de moy,

Je n’ay que faire avecque vous.

Aumoins avant que trespasser,

Que je puisse à mon aise un jour

Jouër, sauter, rire et danser

Avecque Bacchus et Amour.