SONNET [1550].

Les uns diront le vieil Prestre de Thrace,

Ou le Thebain, qui en la lire excelle,

Et cetui-la qui son pais nous celle,

Ou les beaux chans du Calabrois Horace.

Du Mantuan les vers de bonne race

L’on vantera, ou la Lire de celle

Docte amoureuse et mignarde Pucelle,

Qui ses dous maus sucra de tant de grace :

Mais moi poussé par ta fureur éprise

Ton luc sur tous et je prise, et reprise.

O vive corde, ô bien heureus sonneur,

Ta vertueuse, et premiere entreprise,

Que la France a par ton audace aprise,

Du Vandômois éternize l’honneur.

A. DE LA FARE.

(Quelques exemplaires, fort rares, des Odes de 1550, renferment un)