ODELETTE XXX.

Ce-pendant que ce beau mois dure,

Mignonne allon sur la verdure,

Ne laisson perdre en vain le temps :

L’âge glissant qui ne s’arreste,

Meslant le poil de nostre teste,

S’enfuit ainsi que le Printemps.

Donq ce-pendant que nostre vie

Et le Temps d’aimer nous convie,

Aimon, moissonnon noz desirs,

Passon l’Amour de veine en veine :

Incontinent la mort prochaine

Viendra desrober noz plaisirs.